საქართველოს ფინანსთა სამინისტროს საგამოძიებო სამსახურის წარმომადგენლები, დიდი ბრიტანეთის და ჩრდილოეთ ირლანდიის გაერთიანებული სამეფოს შემოსავლების და საბაჟო სამსახურის ფისკალური დანაშაულების წინააღმდეგ ბრძოლის მეკავშირე ოფიცერს, ნიკ ეედეს შეხვდნენ.
გაცნობითი ხასიათის შეხვედრაზე საგადასახადო და საბაჟო სფეროში დანაშაულებრივი საქმიანობის წინააღმდეგ თანამშრომლობისა და ურთიერთდახმარების საკითხები განიხილეს. მხარეებმა საქართველოს ფინანსთა სამინისტროს საგამოძიებო სამსახურსა და დიდი ბრიტანეთის და ჩრდილოეთ ირლანდიის გაერთიანებული სამეფოს შემოსავლების და საბაჟო სამსახურს შორის გაფორმებული მემორანდუმით გათვალისწინებულ საკითხებზე და სამომავლო თანამშრომლობის პერსპექტივაზე იმსჯელეს.
შეხვედრას ესწრებოდნენ საგამოძიებო სამსახურის ადმინისტრაციის, საბაჟო წესების დარღვევის წინააღმდეგ ბრძოლის სამმართველოს და სამართლებრივი უზრუნველყოფისა და საერთაშორისო ურთიერთობების სამმართველოს წარმომადგენლები.