საგამოძიებო სამსახურის თანამშრომლებმა ყალბი საგადასახადო დოკუმენტების დამზადება-რეალიზაციის ფაქტზე ერთ-ერთი ინდმეწარმე დააკავეს.
გამოძიებით დადგინდა, რომ ბრალდებულმა დაამზადა და გაასაღა ყალბი საგადასახადო ანგარიშ-ფაქტურები თანდართული სასაქონლო ზედნადებებით, თითქოსდა მან ერთ-ერთი საწარმოს დირექტორს მიაწოდა 8750 ლარის ღირებულების კომპიუტერული ტექნიკის ნაწილები, რაშიც სანაცვლოდ 3 000 ლარი გამოართვა.
საქმეზე მიმდინარეობს გამოძიება საქართველოს სისხლის სამართლის კოდექსის 210-ე მუხლის პირველი ნაწილით რაც ითვალისწინებს თავისუფლების აღკვეთას ვადით ორიდან ოთხ წლამდე.