საქართველოს ფინანსთა სამინისტროს საგამოძიებო სამსახურმა სომხეთის რესპუბლიკის სახელმწიფო შემოსავლების კომიტეტის წარმომადგენლებს უმასპინძლა.
შეხვედრაზე, საგამოძიებო სამსახურის უფროსის მოადგილეებმა - ვაჟა ფანოზიშვილმა და ვახტანგ ფარესიშვილმა, სხვა ხელმძღვანელ პირებთან ერთად, სომხეთის რესპუბლიკის სახელმწიფო შემოსავლების კომიტეტის, საგამოძიებო და ოპერატიულ-სამძებრო დეპარტამენტის უფროსს - ვაჰან ჩარხიფალაკიანსა და ამავე დეპარტამენტის უფროსის მოადგილეს - არტურ უზუნიანს, საგამოძიებო სამსახურის საქმიანობის სპეციფიკა და სამსახურის კომპეტენციას მიკუთვნებული სხვა მნიშვნელოვანი საკითხები გააცნეს.
მხარეებმა განიხილეს ორი ქვეყნის არსებული გამოწვევები საფინანსო-ეკონომიკური დანაშაულის წინააღმდეგ ბრძოლის კუთხით და კონკრეტული მიმართულებებით თანამშრომლობაზე შეთანხმდნენ.