საგამოძიებო სამსახურის თანამშრომლების მიერ, თაღლითობის ფაქტზე, ერთი პირი დააკავეს.

გამოძიებით დადგენილია, რომ მ. მ. დიდი ოდენობით ფულადი თანხების მოტყუებით დაუფლების მიზნით დაუკავშირდა ირანელი ინვესტორის მ. ბ-ის წარმომადგენელს რ. ნ-ს, რომელსაც თითქოსდა ქ. თბილისის მერიაში არქიტექტურული პროექტის დამტკიცების დახმარების სანაცვლოდ მოტყუებით გამოართვა 17 000 ლარი.

გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით, რაც ითვალისწინებს თავისუფლების აღკვეთას 6-დან 9 წლამდე ვადით.