საგამოძიებო სამსახურის თანამშრომლებმა, უკანონო სამეწარმეო საქმიანობის განხორციელების ფაქტზე, თურქეთის რესპუბლიკის მოქალაქეები გ. გ, მ. ა. და ს.ა. დააკავეს.

გამოძიებით დადგენილია, რომ ბრალდებულები ქ. თბილისში, ორ სხვადასხვა ქუჩაზე სათამაშო ბიზნესისათვის განკუთვნილი შესაბამისი ლიცენზიის გარეშე, რეგულარულად ახდენდნენ სხვადასხვა აზარტული თამაშების მოწყობას, რაშიც მოთამაშეებისაგან ანაზღაურების სახით იღებდნენ დადებული ფსონის 10%-ს.

გამოძიება მიმდინარეობს საქართველოს სსკ-ის 192-ე მუხლის მეორე ნაწილის „ა“ ქვეპუნქტით, რაც ითვალისწინებს თავისუფლების აღკვეთას 3-დან 5 წლამდე ვადით.