Press releases

საგამოძიებო სამსახურის თანამშრომლების მიერ ჩატარებული საგამოძიებო მოქმედებების შედეგად, სამსახურებრივი უფლებამოსილების ბოროტად გამოყენებისა და სახელმწიფოს კუთვნილი 508 310 ლარის მართლსაწინააღმდეგო მისაკუთრებაში დახმარებისათვის, ბრალდებულის სახით პასუხისგებაში მიცემულ იქნა ერთ-ერთი თვითმმართველი ქალაქის მერიის ერთ-ერთი სამსახურის ყოფილი უფროსი პ. ა. ასევე, ყალბი დოკუმენტების დამზადება გამოყენების და სახელმწიფო ბიუჯეტის კუთვნილი დიდი ოდენობით ფულადი თანხების თაღლითურად დაუფლების ფაქტზე, სისხლის სამართლის პასუხისგებაში მისცეს ერთ-ერთი შპს-ის დირექტორი ჰ. ე. და ტექნიკური დირექტორი გ. ო.

უკრაინის სახელმწიფო საფინანსო სამსახურის დელეგაცია სამუშაო ვიზიტით საქართველოს ეწვია. ორი ქვეყნის ფინანსთა სამინისტროების წარმომადგენლების შეხვედრა აჭარის რეგიონში 27 – 30 აგვისტოს გაიმართება. უკრაინის დელეგაციას ქართველი კოლეგები ორმხრივი თანამშრომლობის ფორმატში მასპინძლობენ.

საქართველოს ფინანსთა სამინისტროს საგამოძიებო სამსახურის თანამშრომლების მიერ, ქრთამის აღების ფაქტზე, ბრალდებულის სახით, სისხლის სამართლის პასუხისგებაში მიცემულ იქნენ სსიპ „ეროვნული სატყეო სააგენტო“-ს ერთ-ერთი რეგიონის სამსახურის თანაშრომელი ხ. მ. და სატყეო უბნის ტყის მცველი კ. პ.

ფინანსთა სამინისტროს საგამოძიებო სამსახურის თანამშრომლებმა, საქართველოს საბაჟო საზღვარზე, საბაჟო კონტროლისაგან ფარულად, დიდი ოდენობის საიუველირო ნაკეთობების გადმოტანის ფაქტზე, მოქალაქე ე. ქ. დააკავეს.

საგამოძიებო სამსახურის თანამშრომლებმა ყალბი საგადასახადო დოკუმენტების დამზადება-რეალიზაციის ფაქტზე ერთ-ერთი ინდმეწარმე დააკავეს.

ფინანსთა სამინისტროს საგამოძიებო სამსახურმა, საქართველოს სხვადასხვა რეგიონებში გატარებული მასშტაბური საგამოძიებო ღონისძიებების შედეგად, სახელმწიფო ბიუჯეტის კუთვნილი თანხის მოტყუებით დაუფლების ფაქტზე ბრალდებულის სახით პასუხისგებაში მისცა 18 მოქალაქე.