Partnership and Cooperation

Partnership and Cooperation

International Cooperation/Partnership and Cooperation

საგამოძიებო სამსახურში საქართველოში აშშ-ის საელჩოს წარმომადგენლებთან შეხვედრა გაიმართა

ხუთშაბათი, 20 მაისი, 2021

საქართველოს ფინანსთა სამინისტროს საგამოძიებო სამსახურის უფროსი, სოსო რამიშვილი, საქართველოში ამერიკის შეერთებული შტატების საელჩოს ექსპორტის კონტროლის და საზღვრის უსაფრთხოების (EXBS) ოფისის რეგიონალურ ხელმძღვანელს, ქალბატონ როსიცა პეტროვს შეხვდა. შეხვედრას საგამოძიებო სამსახურისა და აშშ-ს ექსპორტის კონტროლის და საზღვრის უსაფრთხოების ოფისის წარმომადგენლები ესწრებოდნენ.

ონლაინ-შეხვედრა საგამოძიებო სამსახურის და უკრაინის სახელმწიფო ფისკალური სამსახურის ხელმძღვანელებს შორის

ხუთშაბათი, 31 დეკემბერი, 2020

მიმდინარე წლის 30 დეკემბერს შედგა გაცნობითი ხასიათის ონლაინ-შეხვედრა საქართველოს ფინანსთა სამინისტროს საგამოძიებო სამსახურის და უკრაინის სახელმწიფო ფისკალური სამსახურის ხელმძღვანელებს შორის. შეხვედრას უძღვებოდნენ საგამოძიებო სამსახურის უფროსი სოსო რამიშვილი და უკრაინის სახელმწიფო ფისკალური სამსახურის უფროსი ვადიმ მელნიკი.

საგამოძიებო სამსახურმა მონაწილეობა მიიღო ონლაინ საგადასახადო კონგრესში

პარასკევი, 04 დეკემბერი, 2020

მიმდინარე წლის 3 დეკემბერს საგამოძიებო სამსახურის ადმინისტრაციის საერთაშორისო ურთიერთობების და სამართლებრივი უზრუნველყოფის სამმართველოს წარმომადგენელმა მონაწილეობა მიიღო უკრაინის სახელმწიფო ფისკალური სამსახურის უნივერსიტეტის მიერ ორგანიზებულ ონლაინ საერთაშორისო საგადასახადო კონგრესის მუშაობაში. კონგრესის ფარგლებში განხილული იქნა საზოგადოებრივი ფინანსების მართვის და ეროვნული ეკონომიკური უსაფრთხოების პრობლემები. გამართული დისკუსიის ძირითად თემებს წარმოადგენდა: საჯარო ფინანსების მართვის რეფორმა; სახელმწიფო ფინანსური კონტროლის შემუშავება ქვეყნის ეკონომიკური უსაფრთხოების კონტექსტში; ეკონომიკური უსაფრთხოების ბიურო: მოლოდინები, რეალობა, გამოწვევები; სახელმწიფო და კერძო ინტერესი საგადასახადო დაბეგვრაში; უკრაინის ფისკალური პოლიტიკის ტრანსფორმაცია ევროინტეგრაციის პირობებში; საგადასახადო და საბაჟო პოლიტიკის განხორციელების თავისებურებები თანამედროვე გამოწვევებისა და საფრთხეების ფონზე; ჰუმანიტარულ-საგანმანათლებლო და სოციალურ-პოლიტიკური პროცესები მდგრადი განვითარების კონტექსტში: ეროვნული და გლობალური განზომილებები; ინფორმაციული ტექნოლოგია ეკონომიკასა და მენეჯმენტში.

საგამოძიებო სამსახური აქტიურად განაგრძობს ევროპის საბჭოს რჩეულ ექსპერტთა (Moneyval) კომიტეტის რეკომენდაციების შესრულებას

სამშაბათი, 17 ნოემბერი, 2020

დღეს, გავრცელდა ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელი რჩეულ ექსპერტთა (Moneyval) კომიტეტის, ფულის გათეთრებისა და ტერორიზმის დაფინანსების წინააღმდეგ მიმართული ღონისძიებების თაობაზე მეხუთე რაუნდის ანგარიში. დოკუმენტში ხაზგასმულია საქართველოს ფინანსთა სამინისტროს, როგორც ფულის გათეთრების წინააღმდეგ ბრძოლის პოლიტიკის განსაზღვრის ეროვნული მაკოორდინირებელი ორგანოს პასუხისმგებლობა საფინანსო-ეკონომიკურ სფეროში ჩადენილი დანაშაულის წინააღმდეგ ბრძოლის მიმართულებით. ანგარიშში აღნიშნულია ის მნიშნელოვანი ნაბიჯები, რომელიც ფინანსთა სამინისტროს საგამოძიებო სამსახურმა და შემოსავლების სამსახურმა ბოლო წლებში გადადგეს ფულის გათეთრების წინააღმდეგ ბრძოლის კუთხით.
 

245678910
«ნოემბერი 2021»
ორშსამოთხხუთპარშაბკვი
25262728293031
1234567
891011121314
15161718192021
22232425262728
293012345

Back To Top