ჰოლანდიის ფისკალური ინფორმაციისა და საგამოძიებოს სამსახურის (FIOD) მიწვევით, ამსტერდამში 23–26 აპრილს, საქმიანი ვიზიტით, საქართველოს ფინანსთა სამინისტროს საგამოძიებო სამსახურის წარმომადგენლები იმყოფებოდნენ. საქართველოს დელეგაციას საგამოძიებო სამსახურის უფროსი გიორგი ობგაიძე ხელმძღვანელობდა.

საქართველოს ფინანსთა სამინისტროს საგამოძიებო სამსახურის მოწვევით, თბილისში 17–20 აპრილს სამუშაო ვიზიტით იმყოფებოდა უკრაინის საგადასახადო მილიციის დელეგაცია, საგადასახადო მილიციის უფროსის ანდრეი გოლოვაჩის ხელმძღვანელობით. დელეგაციის შემადგენლობაში შედიოდნენ უკრაინის საგადასახადო მილიციის მთავარი სამმართველოს უფროსის მოადგილე ბორის დუბა და საგადასახადო მილიციის მთავარი სამმართველოს საგარეო ურთიერთობების განყოფილების უფროსი სვიატოსლავ დუბინა.

საგამოძიებო სამსახურმა სტაჟიორთა ახალი ნაკადი მიიღო. სამ ეტაპიანი შესარჩევი კონკურსი ახალგაზრდებმა წარმატებით გაიარეს და სწავლების ექვსთვიანი პროცესი დაიწყეს.

საგამოძიებო სამსახურის საგამოძიებო დეპარტამენტის თანამშრომლებმა შინაგან საქმეთა სამინისტროს აკადემიაში სპეციალური მომზადების კურსი წარმატებით დაასრულეს.

უკანონო სამეწარმეო საქმიანობის, დაუსაბუთებელი შემოსავლების ლეგალიზაციისა და ყალბი საგადასახადო დოკუმენტების დამზადება–გამოყენების ფაქტებზე, საქართველოს ფინანსთა სამინისტროს საგამოძიებო სამსახურის თამნამშრომლების მიერ ფართომასშტაბიანი ოპერატიული ღონისძიებების გატარების შედეგად დაკავებულები არიან