საქართველოს ფინანსთა სამინისტროს საგამოძიებო სამსახურმა,  გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, აქციზური მარკის სავალდებულო დართვას დაქვემდებარებული საქონლის, აქციზური მარკის გარეშე რეალიზაციის ფაქტზე,  სომხეთის რესპუბლიკის მოქალაქე დააკავა.

გამოძიებით დადგინდა, რომ ბრალდებულმა,  მარნეულის მუნიციპალიტეტის სოფელ სადახლოს ტერიტორიაზე, 3 800 ლარად განახორციელა უაქციზო საქონლის,  სომხური კონიაკების,  „არარატ ნაირი“- ს და  „ნოი“- ს მარკის, 30 ბოთლი კონიაკის, ასევე,  50 კოლოფი სიგარეტი „Marlboro“- ს რეალიზაცია. 

საქმეზე მიმდინარეობს გამოძიება სსკ-ის მე - 200 მუხლის მეორე ნაწილითს „ბ“ ქვეპუნქტით, რაც ითვალისწინებს თავისუფლების აღკვეთას ვადით 4 - დან 6 წლამდე.