საქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტის წარმომადგენლებთან კოორდინაციით გატარებული ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე დიდი ოდენობით საქონლის საბაჟო წესების დარღვევით გატანის მცდელობის ფაქტზე, პასუხისგებაში ერთი პირი მისცეს.
გამოძიებით დადგინდა, რომ აზერბაიჯანის რესპუბლიკის მოქალაქე, საბაჟო გამშვები პუნქტი „წითელი ხიდი“-ს გავლით, ცდილობდა საქართველოდან აზერბაიჯანის რესპუბლიკაში, საქართველოში საბაჟო კონტროლისაგან მალულად, გადაეტანა 23 863 ლარის საბაჟო ღირებულების სხვადასხვა სახის საქონელი - მედიკამენტები, საკვები დანამატები და კომპიუტერული ტექნიკა.
აღნიშნულ სისხლის სამართის საქმეზე პასუხისგებაში მიცემული პირი, სასამართლოს კანონიერ ძალაში შესული განაჩენით ცნობილი იქნა დამნაშავედ საქართველოს სისხლის სამართლის კოდექსის 214-ე მუხლის პირველი ნაწილით გათვალისწინებული დანაშაულისთვის და ძირითად სასჯელთან ერთად დამატებითი სასჯელის სახით შეეფარდა - კონტრაბანდული საქონლის ჩამორთმევა.