ახალი ამბები

ახალი ამბები

სიახლეები/ახალი ამბები

სოსო რამიშვილი - საგამოძიებო სამსახური შეუფერხებლად განაგრძობს მუშაობას

ორშაბათი, 16 მარტი, 2020
სოსო რამიშვილი - საგამოძიებო სამსახური შეუფერხებლად განაგრძობს მუშაობას

საქართველოს ფინანსთა სამინისტროს საგამოძიებო სამსახურის უფროსის, სოსო რამიშვილის განცხადებით, უწყება ბოლო დღეების განმავლობაში აქტიურად ატარებს პრევენციულ ღონისძიებებს ახალი კორონავირუსის (COVID-19) შესაძლო გავრცელების აღსაკვეთად.

უწყებათაშორისი საკოორდინაციო საბჭოს მითითებით, ვირუსის გავრცელების პრევენციის მიზნით, სამსახურის ადმინისტრაციულ შენობასა და რეგიონულ ოფისებში, ჩატარდა სადეზინფექციო სამუშაოები. მუდმივად ხორციელდება თანამშრომელთა ინფორმირება ჯანმრთელობის დაცვის პროტოკოლების, რეკომენდაციებისა და ჰიგიენის წესების შესახებ და მაქსიმალურად უზრუნველყოფილია მათი დაცვა.

რისკ-ჯგუფში შემავალ პირებთან შესაძლო კონტაქტის მაქსიმალურად შეზღუდვის მიზნით, საგამოძიებო სამსახურის ხელმძღვანელის გადაწყვეტილებით, დროებით დისტანციურ სამუშაო რეჟიმზე გადავიდა თანამშრომელთა გარკვეული ნაწილი (კერძოდ, ის თანამშრომლები, რომელთაც შეუძლიათ სამსახურებრივი საქმიანობის დისტანციურ რეჟიმში განხორციელება სახლიდან გაუსვლელად).

პრევენციული ზომების განსახორციელებლად, საგამოძიებო სამსახური დროებით გადავიდა კორესპონდენციის წარმოების დისტანციურ მეთოდზე. მიმდინარე წლის 21 აპრილამდე საგამოძიებო სამსახურში, განცხადებებისა და სხვა სახის კორესპონდენციის მიღება განხორციელდება მხოლოდ ელექტრონული ფოსტის მეშვეობით (ელ. ფოსტა is@mof.ge).

არასწორი ინტერპრეტაციის, ან გაუგებრობის თავიდან ასაცილებლად, თანამშრომლებს დამატებით განემარტათ, რომ დისტანციურ სამუშაო რეჟიმში გადასვლა არ ნიშნავს სამუშაო საათების შემცირებას, ან თანამშრომელთა შვებულებაში ყოფნას და რომ მათ უნარჩუნდებათ შრომის ანაზღაურება.

საგამოძიებო სამსახურის ხელმძღვანელის განმარტებით, ზემოაღნიშნული ღონისძიებების გატარება არ შეაფერხებს სამუშაო პროცესს. საგამოძიებო სამსახური კანონმდებლობით მასზე დაკისრებული მოვალეობების შესრულებას განაგრძობს უწყვეტ რეჟიმში.

Rate article

No rating
Rate this article:
No rating

Share

Print
«მარტი 2024»
ორშსამოთხხუთპარშაბკვი
26272829123
45678910
11121314151617
18192021222324
25262728293031
1234567

Back To Top