საქართველოს ფინანსთა სამინისტროს საგამოძიებო სამსახურის  დელეგაციამ სამსახურის უფროსის - სოსო რამიშვილის ხელმძღვანელობით ოფიციალური შეხვედრები  ბელარუსის რესპუბლიკის სახელმწიფო კონტროლის კომიტეტის ფინანსური გამოძიების დეპარტამენტის ხელმძღვანელებთან გამართა. 

ვიზიტის ფარგლებში, მხარეებმა განიხილეს ისეთი მნიშვნელოვანი საკითხები, როგორებიცაა: საფინანსო-ეკონომიკურ სფეროში ჩადენილი დანაშაულის გამოვლენა, მისი გამოძიების წარმოება, მათი აღკვეთა და პრევენცია. 

ქართველმა და ბელარუსმა სამართალდამცავებმა ასევე იმსჯელეს საფინანსო-ეკონომიკურ სფეროში ჩადენილი  დანაშაულის გამოძიების მეთოდოლოგიის, გადასახადებისთვის თავის არიდების, დღგ-ს დაუსაბუთებელი დაბრუნების და  აქციზური პროდუქციის უკანონო ბრუნვის შესახებ. 

მხარეები შეთანხმდნენ ანალიტიკური საქმიანობის დასახვეწად და გასაუმჯობესებლად, ასევე საფინანსო-ეკონომიკურ სფეროში არსებული ორმხრივი თანამშრომლობის გასაღრმავებლად, ინფორმაციის ოპერატიულად გაცვლისა და აქტუალური პრობლემების   ეფექტიანად გადაჭრის ერთობლივი გზების მოსაძიებლად სამომავლო თანამშრომლობაზე.

http://www.kgk.gov.by/ru/rukovodstvo_finrassledovanij-ru/