საქართველოს ფინანსთა სამინისტროს საგამოძიებო სამსახურმა, ქრთამის აღების ფაქტზე, ქვემო ქართლის რეგიონის ერთ-ერთი მუნიციპალიტეტის საკრებულოს წევრი დააკავა.
გამოძიებით დადგენილია, რომ ბრალდებულმა, სახელმწიფო საკუთრებაში არსებული მიწის უკანონოდ სარგებლობის და სამეწარმეო საქმიანობის განხორციელებაში მფარველობის სანაცვლოდ, მოქალაქისგან ქრთამის სახით, მოითხოვა და აიღო ფულადი თანხა 2 000 ლარის ოდენობით.
დანაშაულებრივ ფაქტზე გამოძიება გრძელდება საქართველოს სისხლის სამართლის კოდექსის 338-ე მუხლით, რაც ითავლისწინებს თავისუფლების აღკვეთას 6-დან 9 წლამდე ვადით.