საქართველოს ფინანსთა სამინისტროს საგამოძიებო სამსახურმა, დიდი ოდენობით სახელმწიფოს კუთვნილი მიწის ნაკვეთების თაღლითურად დაუფლების ბრალდებით, ერთ-ერთი მუნიციპალიტეტის ყოფილი გამგებელი დააკავა.

გამოძიებამ დაადგინა, რომ ბრალდებულმა 2008 წლის მარტის თვეში, აღნიშნული ქალაქის მუნიციპალიტეტის გამგებლის თანამდებობაზე მუშაობის პერიოდში, შექმნა ორგანიზებული დანაშაულებრივი ჯგუფი, რომლის მეშვეობითაც, სამსახურებრივი მდგომარეობის გამოყენებით, თაღლითურად დაეუფლა სახელმწიფოს კუთვნილ, განსაკუთრებით დიდი ფართობის მქონე მიწის ნაკვეთებზე საკუთრების უფლებებს, რომელთა საერთო საბაზრო ღირებულება შეადგენს 2 494 660 ლარს. 

გამოძიება მიმდინარეობს საქართველოს სსკ-ის 180-ე მუხლის მე-3 და მე-4 ნაწილით, სასჯელის სახით 7-იდან 10 წლამდე პატიმრობას ითვალისწინებს.