ფინანსთა სამინისტროს საგამოძიებო სამსახურმა, ქრთამის აღების ფაქტზე, სამი პირი დააკავა.
გამოძიებით დადგენილია, რომ ბრალდებულმა ერთ-ერთი მუნიციპალიტეტის მიერ გამოცხადებულ ელექტრონულ ტენდერში მონაწილე ერთ-ერთი კომპანიის წარმომადგენელს გამარჯვების და შემდგომში მფარველობის სანაცვლოდ, სატენდერო ღირებულების 25% მოსთხოვა. დაკავებულმა აღნიშნული კომპანიის წარმომადგენელს ტენდერში გამარჯვების შემდგომ, ქრთამის სახით, 3 000 ლარი გამოართვა.
საგამოძიებო სამსახურმა ასევე დააკავა ზემოაღნიშნული მუნიციპალიტეტის გამგეობის ინფრასტრუქტურის ყოფილი უფროსი და ერთ-ერთი ტერიტორიული ორგანოს ყოფილი რწმუნებული. დაკავებულებმა ერთ ერთი კომპანიის წარმომადგენელს ტენდერში გამარჯვების შემდეგ, შესრულებული სამუშაოების დაუბრკოლებლად ჩაბარების სანაცვლოდ, ქრთამის სახით, 7 000 ლარი გამოართვეს.
გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახეთ და ზომად ითვალისიწნებს თავისუფლების აღკვეთას 9 წლამდე ვადით.