სიახლეები

ევროკავშირის პროექტის ფარგლებში საგამოძიებო სამსახურის თანამშრომლები ტრენინგებს გაივლიან

28იან 2019

საქართველოს ფინანსთა სამინისტროს საგამოძიებო სამსახურის უფროსის მოადგილეები ვახტანგ ფარესიშვილი და ვაჟა ფანოზიშვილი ევროკავშირის ტექნიკური დახმარების პროექტის „ორგანიზებულ დანაშაულთან ბრძოლის ხელშეწყობა“ ხელმძღვანელის მოადგილეს, იასენ იანჩევს შეხვდნენ.


შეხვედრაზე იასენ იანჩევმა საგამოძიებო სამსახურის წარმომადგენლებს  „ორგანიზებულ დანაშაულთან ბრძოლის ხელშეწყობის პროექტი“ გააცნო და მის პრიორიტეტულ მიმართულებებზე ესაუბრა. როგორც პროექტის ხელმძღვანელის მოადგილემ აღნიშნა, პროექტი ხელს შეუწყობს  საქართველოს სამართალდამცავი ორგანოების   შესაძლებლობების გაძლიერებას  ისეთი მიმართულებით, როგორიცაა კვლევა, ანალიტიკური და სტრატეგიული დაგეგმვა,  სამართლებრივი მექანიზმების გაძლიერება,  დანაშაულის პრევენცია და სხვა.


შეხვედრაზე ყურადღება გამახვილდა საგამოძიებო სამსახურის თანამშრომელთა გადამზადების, კვალიფიკაციის ამაღლების და ევროპული გამოცდილების გაზიარების  მნიშვნელობაზე დანაშაულთან ეფექტიანი ბრძოლის უზრუნველყოფისთვის. მხარეები აღნიშნული  მიმართულებით სამომავლო თანამშრომლობის საკითხებზე  შეთანხმდნენ. 


ევროკავშირის პროექტის „ორგანიზებულ დანაშაულთან ბრძოლის ხელშეწყობა“  მიზანია ხელი შეუწყოს სამართალდამცავ სამსახურებს ორგანიზებული დანაშაულის წინააღმდეგ ბრძოლაში,   გააღრმავოს საერთაშორისო სამართლებრივი თანამშრომლობა რისკის ანალიზისა და ანალიზზე დაფუძნებული სამართლებრივი  საქმიანობის საფუძველზე. პროექტის ხანგრძლივობა 30 თვეა, ხოლო ბიუჯეტი 1 987 250 ევროს შეადგენს.  

კალენდარი

<სექტემბერი>
ორსაოთხუპაშაკვ
1
2345678
9101112131415
16171819202122
23242526272829
30