სიახლეები

საგამოძიებო სამსახურმა უაქციზო კონიაკის გასაღების ფაქტზე 2 პირი დააკავა

11მარ 2017
საქართველოს ფინანსთა სამინისტროს საგამოძიებო სამსახურმა, გატარებული ოპერატიულ - სამძებრო და საგამოძიებო მოქმედებების შედეგად, დიდი ოდენობით აქციზური მარკის სავალდებულო დართვას დაქვემდებარებული ალკოჰოლური სასმელების აქციზური მარკის გარეშე  რეალიზაციის ფაქტზე ორი პირი დააკავა.

გამოძიებით დადგენილია, რომ ბრალდებულები ახდენდნენ მარკირებას დაქვემდებარებული  სპირტიანი  ალკოჰოლური სასმელების აქციზური მარკის გარეშე  რეალიზაციას, რითაც  თავს არიდებდნენ კანონით დადგენილი აქციზის გადასახადის სახელმწიფო ბიუჯეტში გადახდას. 2017 წლის 09 მარტს ბრალდებულები დაკავებულ იქნენ დიდი ოდენობით კონიაკი ,,Hennessy X.O”-ს რეალიზაციისას, რაც საგამოძიებო სამსახურის მიერ ამოღებულია ნივთმტკიცების სახით.

საქმეზე მიმდიანრეობს გამოძიება  საქართველოს სსკ-ის 200-ე მუხლის მე-2 ნაწილის ,,ბ“ ,,გ“ ქვეპუნქტებით, რაც ითვალისწინებს თავისუფლების აღკვეთას ოთხიდან ექვს წლამდე.

კალენდარი

<ივნისი>
ორსაოთხუპაშაკვ
1234
567891011
12131415161718
19202122232425
2627282930